Milàn d'inverne

D'inverne , a Milàn  , an gh'era mai stà

da e mè punt ad vèsta ... l'è brùtt anch d'està

av pòs asicùràr ... adès che a l'hò vèst

che quì che i gh'astàn ... i ghan poc capèss.

Dal mèzi giurnàd .. a guardàr dal vadrìn

poc temp che a gh'astèsa , a dvantèva cretìn

a ghìva mal ad testa ... em gniva l'afànn

agh sun stà du dè ... im parìvne du ann.

Tutt e trafiche blocà e , qual chl'è ancor pègg

 egh vol  na mez'ura ,  par catàr e parchègg

e po ...a respiràr ... sàt ak  sudisfaziùn

es sent  nafta e benzina , fin dentre i pulmùn!!

I  palàz , tùc in fila .. grìs .. afumicà

sòta , pien ad  vadrìn  , e suvre.. ad disgrazià

che , fòra d' la fnèstra , i vadnè quì ad frùnt

sùl un pcùncin  ad ciel ... ma , senza  urizùnt.

Mell aibre  ad Nadàl , con al decoraziùn

e cent mela lusini ... un mond d'illusiùn

senza prà .. senza mùnt ... senza quell , ad naturàl

gìmle vuàtre ... sl'è un vèvre nurmàl.

L'è vera , e gh'è pù genta ... pù  illuminaziùn

ma, pù am guard intùrne ,  pù im fan cumpasiùn,

tuc quanc .. via ad cursa , tuc quanc  ingrugnà

e in sa gìrne gnanch ... se , at ' ià spintunà .

A sun andà dentre a un bar , e , par educaziùn

agh'ho dètt "Buongiorno "...en m'ha rispost ansùn

e po' i m'an guardà , coma se a fùsa matt

a gh'augure ad còr.."che egh ciapa è cagatt !!"

Ades .. che agh sun stà , ades che ai ho vèst

a pos anch capìr , perchè ièn sempre trèst

con  machine , tram , autobus e metropolitana

i tàcne a capìr ... che ien drè andàr a "putàna" !!

                                             Antonio Manini  Dicembre 2003